La organización de mocedá independentista precintó entidaes bancaries nel Valle'l Naló

La mocedá independentista y revolucionario vien d'entamar una campaña baxo'l llema "Rescatemos el nuesu futuru", col envís de "denunciar la responsabilidá de la banca na llaceria social que tamos viviendo anguaño. El robu de los aforros a les families, los pilancos a la mocedá nel accesu a una vivienda digna, los desahucios, la intromisión na Educación Pública y otres agresiones tienen de finar yá. Ye hora de señalar a los bancos de forma clara como enemigos del Pueblu Trabayador Asturianu".

Poro, Darréu desendolcó delles aiciones pelos conceyos del Valle'l Nalón, col precintáu d'entidaes bancaries en Lada, Riañu, Sama, Sotrondio, L'Entregu o Los Barreros. Nestes aiciones, amás de les típiques cintes señalizadores, la organización de mocedá apegó cartelos denunciando aspeutos como l'espoliu bancariu al pueblu asturianu, la emigración de la mocedá, o la prohibición de la llingua asturiana por parte de l'antigua Caxastur, anguaño Liberbank. Dende Darréu afiten que "el nuesu futuru nun ta en xuegu y nun vamos perdelo pola usura y el parasitismu d'una minoría privilexada, la oligarquía española y los banqueros".

infoasturies.net