Blogue de sofitu a la campaña " Por unes cuenques pa vivir y trabayar".

Nesti blogue queremos espublizar y dar anuncia de toles actividaes que se tean realizando en Les Cuenques Mineres escontra'l desmantelamientu del texíu llaboral d'éstes. Amás queremos emplegar esti espaciu na rede pa da-y difusión a toles convocatories, aiciones y pasos p'alantre que ta dando la mocedá de Les Cuenques, denunciando'l vergoñosu desmantelamientu del texíu llaboral d'anguañu, y la crisis permanente que sufren los conceyos del Nalón y el Caudal.

Esti blogue ta empobináu por moces y mozos que s'encuadren dientru del movimientu soberanista revolucionariu xuvenil de Darréu. La campaña quier enanchase a otres sensibilidaes polítiques que tean d'alcuerdu col enfotu principal de la mesma, ye dicir, la denuncia y resistencia énte les agresiones que sufre esta zona del país y que nun tean responsabilidá d'estes agresiones. El blogue ye abiertu y quien quiera espublizar dalgo qu'unvíe un corréu lleutrónicu a la direción : nonaldesmantelamientu@gmail.com

¡ Les Cuenques sálvense lluchando !