Paráu asturianu caminará hasta Madrí a la gueta d'emplegu



Ángel Catalán, asturianu vecín de Blimea, decidió entamar una aniciativa p'algamar trabayu, tres "echar unos 30 currículums al día y nun atopar nada". Como consecuencia d'ello, esti ciudadanu asturianu vien d'entamar una ruta a pie que tendrá como destín Madrí, onde l'enfotu sedrá dir al Ministeriu de Trabayu pa protestar pola so situación, "asemeyada a la de miles d'asturianos", ya intentar atropar emplegu.
Ángel atópase nuna situación conocía por miles de persones nel nuesu país, con 51 años y trés años nel paru depués de perder el so trabayu como conductor, cobrando anguaño'l salariu de 420 euros que, según les sos pallabres, "da pa pagar la hipoteca y poco más", motivu pol que tornó a vivir cola so má. Nel entamu de la so caminata, que durará unos 25 díes, vecinos y vecines de Samartín acompañaron a esti ciudadanu hasta L.lena, en solidaridá y sofitu a ún de tantos asturianos que sufren les consecuencies de la crisis sistémica del capitalismu.

Fonte: www.infoasturies.net

¿Onde tan los fondos mineros?

Non al robu y secuestru de los nuesos fondos.

Por una verdadera reactivación de los conceyos.

Llucha poles cuenques

Samartín del Rei Aurelio

Non al desmantelamientu

Non al desmantelamientu de les cuenques

Conceyu de Llangréu

Conceyu de Mieres

¡Llucha pol futuru de les cuenques!

S.O.S Les Cuenques

La Felguera (Llangréu)

+ Trabayu - Despilfarru

¡Por un gastu acorde a les necesidaes de lxs ciudadanxs de les cuenques!

Sotrondio-Samartín del rei Aurelio

Trabayu p'Asturies-Trabayu pa les cuenques

¡Llucha poles cuenques!

La mocedá resiste!

STOP REPRESIÓN A LA MOCEDÁ

Comunicáu urxente - Nueu casu d'acosu a la mocedá combativa: anulación del Conciertu

Dende la Organización xuvenil de la esquierda independentista asturiana, DARRÉU, queremos anunciar la cancelación a última hora del X Conciertu "Asturies nun escaez" en contra de la nuesa voluntá, por mor del traficu d'influencies, presiones y acosos caciquiles que se realizaron a lo llargo d'estos díes dende'l Ayuntamientu de Llangréu.

L'anulación d'esti eventu lúdico-políticu qu'a lo llargo de los años venía consolidándose como una referencia nel movimientu independentista asturianu representa una nuea agresión intolerable non yá al nacionalismu asturianu sinón al conxuntu de la mocedá activa y de les fuercies de la esquierda tresformadora, porque si bien ésti ye un casu sangrante necesariamente hai qu'entendelo dientro de la política global del PSOE de marxinar, criminalizar y afogar cualisquier iniciativa xuvenil que pretenda recuperar y actualizar los valores de llucha, solidaridá y llibertá de la revolución obrera de 1934.

Na tarde d'esti día vienres 21 d'ochobre va ser presentáu un primer dossier esplicando'l desendolcu d'esti procesu na Casa de los Alberti a les 18.30 hores (Ciañu, Llangréu).

Nos prósimos díes vamos informar igualmente de distintes midíes que vamos tomar pa responder énte esti nueu episodiu de la represión y ñegación de derechos ciudadanos a la mocedá combativa.

Y en rellación al conciertu, informamos a toles persones que mercaron entraes de que les puen devolver nos establecimientos onde les adquirieron.

¡Puxa Asturies revolucionaria!

Programa DMR'11

El Día de la Mocedá Revolucionario 2011 va tener llugar los díes 21 y 22 d'ochobre nel Conceyu de Llangréu. Una vegada más, dende la organización de Mocedá Independentista Revolucionario - Darréu queremos facer alcordanza de la Revolución Asturiana d'ochobre de 1934, al empar, facer d'estes xornaes un marcu reivindicativu dende una perspectiva xuvenil, tresformadora y soberanista. Darréu enfotase un añu más en facer lo que camentamos que ye l'actu más importante a nivel añal dientru de la mocedá d'izquierda soberanista d'esti país. Asina, como ye vezu, Darréu ufre un programa d'actividaes de distintu calter: culturales, históriques, polítiques-reivindicatives o llúdiques. Poro, el programa d'esti Día de la Mocedá Revolucionario 2011 comprende les actividaes que vienen darréu:
Vienres 21 d'ochobre:

Casa de Los Alberti - (Ciañu, Llangréu). 

- 18:00 h. Presentación del Día de la Mocedá Revolucionario 2011.
- 18:15 h. Proyeición Documental Autoxetionáu.
- 19:00 h. Charra-alderique con Candido Carnero, sindicalista de Naval Xixón "Reflexones sobre'l movimientu obreru asturianu d'ayeri y güei".

- 20:00 h. Alcuentru Internacionalista coles delegaciones internacionales desplazaes al DMR'11.
 

Colexu Públicu José Bernardo (Sama, Llangréu):

- 21:00 h. Amagüestu + espicha + música del país.


Sábadu 22 d'ochobre:

Colexu Públicu José Bernardo (Sama, Llangréu):

- 12:00 h. Xuegos Tradicionales pa guah.es y adultos.
- 14:00 h. Xinta Popular.

- 17:00 h. Mural conmemorativu DMR'11.

Nel monolitu n'homenaxe a Belarmino Tomás (La Felguera, Llangréu):
 
- 18:00 h. Homenaxe a los/les Revolucionarios/es.
- 18:30 h. Marcha reivindicativa de mocedá fasta la Casa Conceyu de Llangréu, en Sama.

Colexu Públicu José Bernardo (Sama, Llangréu):

- 20:00 h. X Conciertu "Asturies Nun Escaez". 

 

Skama la Rede+Escuela de Odio+Skontra+Adizión Etílika+Taranus+I.R.A.+sesión reggae.

 

10 anticipada / 12 taquilla 

Pa más información visitar la páxina web de Darréu www.darreu.org nos vinientes díes, pues van conocese nueves novedaes. Tamién pues contautar con nós na direición info@darreu.org Esta direición elleutrónica ta curiada escontra spam bots. Precisa activase JavaScript para vela

Futuru pa les cuenques.

Nun s'apara la llucha contra'l desmantelamientu llaboral de les cuenques mineres. Muria nel Conceyu de Llangréu.

Día de la mocedá revolucionario en Llangréu

Vienres 21 Actividaes na casa de Los Alberti (Ciañu)

Sábadu 22 Conciertu nel Colexu José Bernardo (Sama)

Asturies nun escaez

+INFO: http://www.darreu.org/

Asturies en llucha

Güei como ayeri Asturies ta en llucha

Futuru pa les cuenques

Conceyu de Mieres

Trabayu pa les cuenques

Conceyu de Llangréu

Conceyu de Mieres

Los fondos mineros van en flores...

Más trabayu, menos amiguismu.

Conceyu de Samartín del Rei Aurelio.

Futuru pa Llangréu.

Futuru pa les cuenques

Conceyu de Llangréu

Lluchando por Asturies,lluchamos poles cuenques

Sotrondio

La cuenca en llucha

¡La cai sigue falando!

¡Llucha poles cuenques! 

Puxa la clás obrera

Conceyu de Llangréu.

Alas solución

Pol futuru de les cuenques, por una solución digna pa lxs trabayadores.

Conceyu de Samartín del Rei Aurelio.

Decenes de persones movilizáronse esti sábadu contra'l desmantelamientu de les cuenques mineres.

Delles decenes de persones participaron esti pasáu sábadu 9 de xunetu na xornada entamada dende la organización xuvenil d'izquierda soberanista-Darréu y CSI-Mocedá por unes cuenques pa vivir y trabayar dignamente. La xornada, qu'encuádrase dientru l'actividá que munches persones tan desenrollando en pro d'un futuru pa los conceyos de les cuenques y que trata d'aparar el desmantelamientu que ta sofriendo esta zona d'Asturies resultó positiva na opinión xeneral de la xente implicada.

Con ciertu retrasu, alredor de les 12:20 hores echó a andar la marcha contra'l desmantelamientu dende'l Parque Vieyu de la llocalidá llangreana de La Felguera. Demientres duró la marcha hebo tiempu pa canciar consignes reivindicatives y esparder el mensaxe de la necesidá de superar l'actual estáu de les coses nos valles del Caudal y el Nalón. Cientos de fueyes informatives fueron distribuyíes nos alredor de 6 quilómetros de camín hasta la llocalidá de L'Entregu (SMRA). La xente foi mui receptiva colos/es movilizaos/es y caltuvo una actitú perpositiva coles reivindicaciones d'estos y la idega xeneral de la xornada. Enantes de finar la marcha hebo tiempu pa averase a les istalaciones d'Alas Aluminium pa desixir una solución pa los/es trabayadores.

Depués de dalgo más d'hora y media s'aportó a la fin al centru social entreguín La Semiente, onde finó la marcha. Ellí se realizó una espicha que puxó pola autoxestión del centru y na cual hebo un ambiente positivu participando n'ella munches persones. Asina, hebo un ambiente relaxáu y distendíu hasta qu'entamó la charra-alderique que tenía como llema “les cuenques: una crisis estructural” a les 17:00 hores.

Na charra-alderique foron ponentes Paloma García pola organización de mocedá Darréu, Javier Cubero por CSI-Mocedá y Pablo Álvarez, delegáu de prevención nel Tallerón de Barros de Duro Felguera. Los tres coincidieron en señalar como les cuenques pasen por una crisis estructural y na necesidá de superar l'actual modelu social, económicu, y políticu amoldando un nuevu modelu haza les necesidaes de la mayoría social en les cuenques mineres. Amás Pablo Álvarez, trabayador de Duro Felguera, cuntó dende una perspectiva crítica la so visión de lo que vivió y ta viviendo nel taller de Barros y tolo que pasó nel últimu conflictu llaboral. Darréu de les intervenciones entamó una mesa reonda moderada por un compañeru de CSI-Mocedá, la cual s'allargó enforma y na que la xente coincidió enforma en que foi bien enriqueceora.

En resumen, la convocatoria d'esti pasáu sábadu valió p'axuntar a persones d'estremaes sensibilidaes con un mesmu oxetivu, el de puxar por un proyeutu de futuru pa les cuenques mineres contra l'hipotecamientu al que tamos asistiendo anguañu. Un futuru, por supuestu, dignu y que tea como pegoyu les necesidaes de les persones que viven en les cuenques y nesti país y non el caltener los privilexios de los mercaos y los políticos sucursalistes del Réximen. Hebo abonda unanimidá nel analis de la xornada, considerando a esta perpositiva y con dellos comentarios de tornar a repetir actividaes d'esti calter. Per otru llau dende la organización queremos da-y les gracies a toles persones que participaron nes estremaes actividaes y d'una forma u otra movilizáronse contra'l desmantelamientu de les cuenques mineres.

¡Por unes cuenques pa vivir y trabayar dignamente!

¡Non al desmantelamientu!

Conceyu de Llaviana.

Ponentes de la charra-alderique "les cuenques: una crisis estructural".

Esti sábadu 9 de xunetu dientru de la xornada contra'l desmantelamientu de les cuenques mineres entamada por CSI-Mocedá y Darréu hai programaes una riestra de ponencies dientru de la charra-alderique "Les cuenques: una crisis estructural". La charra entamará alredor de les 17:00 nel Centru Social La Semiente (Samartín del Rei Aurelio). Va intervenir Javier Cubero por parte de CSI-Mocedá, Paloma García pola organización xuvenil d'izquierda soberanista Darréu y Pablo Álvarez Fernández, delegáu de prevención nel Tallerón de Barros de Duro Felguera. Depués de les intervenciones pasarase a una mesa reonda onde habrá alderique sobre la situación de los conceyos mineros y la rempuesta a la crisis permanente qu'estos lleven décades arrecostinando.

Recordar tamién qu'amás d'esta actividá esti sábadu nel Centru Social entreguín habrá una espicha col envís de puxar pola autoxestión y qu'a les 12:00 hores va salir una marcha contra'l desmantelamientu de les cuenques que va salir dende'l Parque Vieyu de La Felguera (Llangréu) hasta L'Entregu.

¡Movilizate poles cuenques!

Sábadu 9 de xunetu: Xornada contra'l desmantelamientu de les cuenques.

Les comarques mineres arrecostinen una fonda crisis estructural que mos lleva a falar d'una crisis permanente nestes últimes décades. El pieslle d'empreses, la precariedá, el paru xuvenil y la emigración forciada dexen a estos conceyos nuna situación socioeconómica y los políticos gobernantes y los sindicatos amariellos nun dan salides a tala situación. Per otru llau son rápidos pa aprovechase d'esta crisis y sacar beneficios personales y personalistes, pa ellos y los sos allegaos nel Réximen.

Poro, la mocedá, farta d'esta situación dicimos basta. Les cuenques necesiten un cambeu radical y esti solo pue llegar cola movilización y la llucha contra'l hipotecamientu del nuesu futuru. Asina dende Darréu y CSI-Mocedá entamamos pal prósimu sábadu día 9 de xunetu una xornada por unes cuenques pa vivir y trabayar dignamente. La xornada va acoyer pela mañana una marcha a pie contra'l desmantelamientu del Nalón y el Caudal y pol futuru de los nuesos conceyos. La marcha saldrá a les 12:00 hores dende'l Parque Vieyu de La Felguera (Llangréu) y percorrerá bona parte del Valle del Nalón hasta L'Entregu (Samartín del Rei Aurelio), onde finará énte'l Centru Social La Semiente. Dempués de la marcha tola xente ta convidada a una espicha con precios populares pa reponer fuercies nel centru social entreguín. Darréu d'esto, tamién en La Semiente van cellebrase unes charres baxo'l llema “Les cuenques: una crisis estructural”. La charra-alderique, programada pa les 17:00 cuntará con dellxs ponentes del ámbetu sindical, políticu, xuvenil y social que se dirán anunciando nos díes vinientes.

Dende la organización de mocedá revolucionario y soberanista Darréu y la Corriente Sindical d'Izquierda-Mocedá llamamos a tola población d'Asturies y sobremanera de les cuenques a participar con nós activamente nesti día en toles actividaes programaes. Ye perimportante amás la implicación de la mocedá, yá que va ser esti coleutivu'l más afeutáu pol desaniciu socioeconómicu que viven les comarques mineres nun futuru prósimu. Ye más, la mocedá lleva siendo la mayor afeutada dende fai munchu tiempu. Asina los convocantes llamamos a la participación y a caltener la llucha día si día tamién en defensa d'un futuru dignu pa les cuenques y tamién pal conxuntu d'Asturies. La ofensiva neolliberal sigui avanzando y nun mos va regalar nada, namái queda movilizase contra ella.

¡ Por unes cuenques pa vivir y trabayar !

¡ Non al desmantelamientu !

Mocedá nun te rindas: ¡llucha pol to futuru!

www.nonaldesmantelamientu.blogspot.com

www.darreu.org

www.csi-asturies.org

Concentración contra la represión el vienres en Xixón

La Plataforma escontra la Represión y poles Libertaes convoca esti vienres 1 de xunetu una concentración, na plaza del Parchís de Xixón a les 20:00 hores pola retirada  de tolos cargos escontra los 5 xóvenes militantes asturianos del PCPE y pa denunciar "esti atropellu escontra los derechos democráticos básicos". La plataforma fai un llamamientu a toles organizaciones sindicales y polítiques de la esquierda, al conxuntu de los/es trabayadores y de la mocedá a movilizase en defensa d'estos compañeros y compañeres.

El testu íntegru de la convocatoria ye'l que sigue:

A lo llargo del pasáu 14 de xunu, cinco mozos asturianos/es foron detenios/des. Cada cual, en llugares distintos: dos en Carreño, ún en Xixón y dos na Cuenca del Caudal. Los/es cinco fueron detenios/des nuna especie de redada, pola brigada d’información de la policía nacional.
¿Qué tienen en común ente ell@s? La so pertenencia a una organización llegal y pacífica: el Partido Comunista de los Pueblos de España. Se les acusa de llanzar cócteles molotov escontra los caxeros automáticos de dos sucursales bancaries, demientres les lluches de Duro Felguera del pasáu mes de xineru. Los/es compañeros/es ñegan completamente esta grave acusación (afitada en supuestos ya ensin nenguna preba) qu’amás ye contraria al mou d’actuar de la organización na que militen. Dafechu, nesos díis sofitaron pacíficamente les marches de protesta de los trabayadores de Duro Felguera.
Posteriormente la policía nacional les acusó d’un delitu de terrorismu y decidió poner a disposición de l’Audiencia Nacional a trés d’ell@s. Inmediatamente, se produxeron concentraciones de sofitu n’Uvieu y en Xixón, esixiendo la so lliberación, asina como en numberosos puntos del Estáu Español (Las Palmas, Madrid, Barcelona, Valencia, Bilbo,...) y del mundiu; movios pola solidaridá énte una inxusticia.
L’Audiencia Nacional desestimó la imputación por terrorismu, considerando l’aición de la policía como desmedía, y dándo-y cursu al Xulgáu d’Instruición nº1 de Llangréu.
Sabemos qu’esto nun ye nenguna casualidá. El contestu nel que se producen estos fechos ye’l del procesu de movilizaciones más importante de los caberos años, nun momentu en que a los trabayadores y les sos families se nos impon pagar una crisis que nun provocamos. Poro se intenta criminalizar a aquellos lluchadores, militantes u organizaciones que se enfrenten díi a díi a los retayos y la degradación de les nueses condiciones de vida. N’Asturies los recientes casos de Fer, o los/es 15 de Cangás, resulten clarificadores a esti respective. Nun momentu en que la llucha ye más necesaria qu’enxamás, la detención y encarcelamientu de los compañeros de la CSI Cándido y Morala hai unos años empobinaben yá nesta direición: la represión y el castigu exemplar énte el conxuntu del movimientu obreru y los seutores más combativos de la sociedá, utilizando pa ello tola lexislación que se vien desendolcando cola escusa de la llucha escontra’l terrorismu.
 De la mesma manera que respondimos estos ataques cola movilización dende la Plataforma escontra la Represión y poles Libertaes convocamos una CONCENTRACIÓN pal próximu vienres 1 de xunetu, na plaza del Parchís de Xixón a les 20:00 hores pa denunciar esti atropellu escontra los derechos democráticos básicos faciendo un llamamientu a toles organizaciones sindicales y polítiques de la esquierda, al conxuntu de los/es trabayadores y de la mocedá a movilizase en defensa de estos/es compañeros/es.

 ¡BASTA DE REPRIMIR A L@S QUE LLUCHEN!

¡SI TOQUEN A ÚN, TÓQUENNOS A TOOS/ES!

http://www.infoasturies.net/

Conceyu de Mieres

El paru, la emigración forciada y la precaridá conderga a la mocedá de les cuenques.

Futuru pa les cuenques

Conceyu de Llangréu.

La mocedá pol futuru de les cuenques, tamién nos campos de fúbol.

Cientos de persones amosaron el pasáu vienres el so sofitu a los y les trabayadores d'Alas nel estadiu Nuevu Ganzabal de La Felguera.

D'otra miente, paez que'l futuru d'esta supuesta empresa de reactivación económica del Valle del Nalón ca día ta más prietu, polo que una salida palxs trabayadores digna se complica. Pesie a les falses promeses de los/es politicos/ques vemos como la situación nun diba iguase, anque tuvieremos qu'aguantar mentires y más mentires demientres duró la campaña elleutoral.

Un garrapiellu de mocedá con compromisu pol futuru de les cuenques axuntámonos en Ganzabal sacando un baberu onde podía lleese " Futuru pa les cuenques", y ye qu'Alas solo ye una pieza más del "dominó" d'empreses que caen y siguirán cayendo. Esta situación nun camudará hasta que les cuenques tornen a recuperar el so arguyu lluchaor y la xente quite del poder a los que lleven remanando los nuesos conceyos dende va munches décades.

¡Alas Aluminium: por una salida y una solución pa lxs trabayadores!

¡Non al desmantelamientu! ¡Por unes cuenques pa vivir y trabayar!

Conceyu de Samartín del Rei Aurelio.

¿Y agora qué ?

Alas Aluminium despidirá a la mayoría de la plantilla

L'alministración concursal de la empresa asitiada na cuenca'l Nalón anunció'l despidu de casi tola plantilla tres nun atopar inversores interesaos nella.


La mayoría de los 270 trabayadores d'Alas Aluminium, anguaño baxo ERE temporal,sedrán despidíos nos prósimos díes. L'anuncia foi comunicada al comité d'empresa,a quien se-y desplicó que caltendrase dalgún puestu del trabayu en llabores de caltenimientu col enfotu de qu'apaeza una empresa interesada.

Alas Aluminium ta participada nun 49% pol sector público,que lleva invertíos más de 16 millones d'euros nuna compañía qu'anguaño acumula 60 millones d'euros en deudes. Pesie a les promeses de la conseyería d'industria de la esistencia d'inversores interesaos,les xestiones del gobiernu asturianu fracasaron otra vegada,como yá anunciaba'l colectivu de trabayadores,cola alta conflictividá social como disculpa d'un nuevu fracasu empresarial nes cuenques mineres.

Pesie al güelpe recibíu,l'asamblea de trabayadores anuncia la continuidá de les movilizaciones entamaes va meses y de la llucha pol caltenimientu del puestu de trabayu.

www.infoasturies.net

Cartelu de Darréu contra'l desmantelamientu.

Descargate esti cartelu ya imprime delles copies. Sal a la cai y echa un gabitu y pon el to granín de sable pa esparder el mensaxe apegando cartelucos. El mensaxe de denuncia d'esta vergoñosa situación, la que ta dexando a la mocedá de les cuenques ensín futuru nin espectatives. Si ca moza o mozu fai dalgo nes cais pa protestar, por pocu que seya, se mos tendrá más en cuenta ¡QUEREMOS VIVIR Y TRABAYAR N'ASTURIES Y EN LES CUENQUES!

Murial, Conceyu de Llaviana.

Contra'l desaniciu de les cuenques movilizate y activate: espeya na cai el to descontentu.

¡Organizate y llucha pol futuru!