sábado, 21 de mayo de 2011

¡Solidariá pa colxs detenixs!

Queremos treslladar la nuesa solidaridá y el nuesu sofitu pa coles persones qu'ayeri fueron prindáes polos picoletos en Xixón por defender los puestos de trabayu n'Alas Aluminium y refugar el desmantelamientu de les cuenques y d'Asturies.

Esperemos que nun se dean represalies de calter llegal y el control del sistema dexe en paz a la xente que defende'l so futuru. Dende equí animamos a la ciudadanía a amosar la so solidaridá coles persones qu'altraviesen esta murnia situación.

¡ALAS SOLUCIÓN DARRÉU!

¡PUXA LA LLUCHA DE LA CLAS TRABAYADORA!

¡NON AL DESMANTELAMIENTU DE LES CUENQUES!

jueves, 19 de mayo de 2011

Ñaz La Semiente.


La xente de Samartín del Rei Aurelio puxando por espacios llibre y autoxestionaos. Ñaz en L'Entregu el Centru Social La Semiente, dexuru que sedrá una esperiencia perpositiva pa tola xente incoformista, y como non, pa la xente que se ñega a que desmantelen les cuenques.


¡PUXA LA SEMIENTE!

lunes, 2 de mayo de 2011

La mocedá de Darréu participó na manifestación de Xixón y tuvo presente nel conciertu de Ciañu.

 La Organización de Mocedá Independentista Revolucionario Darréu, participó esti domingu na manifestación coincidente col 1u mayu entamada polos sindicatos Corriente Sindical d’Izquierda, SUATEA y CGT. La mocedá de Darréu participó nesta movilización nel cortexu de Conceyu Abiertu, movimientu popular de la izquierda soberanista dende la bas. Lxs militantes de Darréu portamos una pancarta col llema: “La clas obrera tien más necesidá de respetu, que de pan”. ¡mocedá faite respetar!, amás de banderes del país y banderes socialistes.

Con esti llema, que recuerda una pernomada cita de Karl Marx, dende Darréu queremos tresmitir un mensaxe nidio, que nun ye otru que la necesidá que vemos de que’l Pueblu Asturianu, sobremanera la mocedá, lluche por superar la situación predemocrática que carez Asturies y en defensa de los sos drechos como Pueblu. La mocedá asturiano sigui viviendo una situación llaceriosa, condergada a la precariedá y la emigración forciada, amás les moces y mozos que lluchen en defensa de los sos drechos s’alcuentren rápidu cola represión treviniega. Poro, llamamos a la mocedá a lluchar y organizase polos sos drechos como asturianos y como trabayores, al marxe de sindicatos foriatos amariellos que namái quieren enriquecese a costa de la clas trabayadora, como si empreses en manes de la burguesía fueren.


Movilización en les cuenques, sobremanera en Ciañu.

Mozos y moces de la izquierda nacionaliega tuvieron tamién por dellos conceyos de les cuenques mineres distribuyendo ente la población cientos de pasquines nos que se denunciaba'l desmantelamientu que tan viviendo los nuesos conceyos mineros, amás s'espardió la imaxe d'esta denuncia cola visibilización de más material propagandisticu. En Ciañu se creó un perbon ambiente fe folixa y llucha gracies al enfotu que punxieron el FUSOA y el Centru Social entreguín La Semiente n'entamar la IX Folixa del 1u de mayu. Ellí la organización política de mocedá Darréu punxo'l so puestu de material ya información, onde distribuyó material d'esti calter, material en llucha poles cuenques.


Queremos felicitar tanto a los sindicatos qu'entamaron la manifestación como al FUSOA y La Semiente pola folixa pol ésitu y bon facer de les sos convocatories. 

¡Les cuenques sálvense lluchando!
La llucha ye l'únicu camín.